Það er margt búið að ganga á í pólitík borgarinnar síðustu daga. Fyrst var það Björn Ingi og Guðjón.... þeir háðu sína baráttu og einhverjum "hnífasettum" var beitt. Útaf fatakaupum fyrir frambjóðendur Framsóknar fyrir síðustu sveitastjórnarkosningar. Veit hreinlega varla hvort ég hef skoðun á þessu. Það hefur ekki tíðkast hjá öðrum flokkum að versla föt á frambjóðendur. Hins vegar, ef sýnt er fram á að einhver atburður krefst þess að menn eru afar dýrir og fínir í tauinu, og kaup á slíku góssi koma til með að vera viðkomandi frambjóðanda afar þungur baggi, þá er mögulegt að sækja um einhvern fatastyrk. Nóg um þetta, ekki síst þar sem þetta rugl verður mjög afkáralegt og lítilvægt þegar svo er horft á atburði gærdagsins!

 Í því samhengi ætla ég mér ekki að gera þann feil að tala um að stjórnin hafi fallið, slíkt er einfaldlega rangt! Nei, Sjálfstæðisflokkurinn virðist bara ekki ná því að þeirra maður klúðraði þeirra tækifæri á meirihlutastarfi í haust með kjánalegri hegðun (glæpsamlegri segja sumir) í aðdraganda samruna og samninga Reykjavík Energy Invest og Geysir Green Energy. Þáverandi borgarstjóri sagðist ekki hafa verið viss um hvað stóð í þeim samningum, bar jafnvel fyrir sig lakri enskukunnáttu!!!! Mikil ólga varð í röðum þeirra bláu í kjölfarið og ólíklegt að allir þar séu orðnir fullkomlega sáttir innbyrðis.

Ólafur Frjálslyndi - óháði.... ég veit ekki hvað ég á að segja um hann. Maður sem riftir samstarfi án þess að ræða það jafnvel við sína nánustu samstarfsmenn, klikkir útúr og lýgur að þeim. Samt sem áður finnst mér sjálfstæðisflokkurinn vera alvöru vondi kallinn í þessu"valdaráni" sem er síst gert með hagsmuni borgarbúa í fyrirrúmi. Hræðsluáróður þeirra hefur sannarlega borið ávöxt, reiði almennings nefnilega. En Villi er ekki hrifinn af mótmælum lýðsins. Fyrir honum eru þau jafnvel sorgleg! En sem betur fer búum við í landi þar sem okkur er frjálst að tjá okkur Hins vegar held ég ekki að Ólafur muni njóta nokkurs stuðnings frá þeim bláu ef gefur á bátinn, þeir geta ekki einu sinni staðið með sjálfum sér eða gert sér grein fyrir þeirri aðstöðu sem þeir eru nú komnir í. Margrét er varamaður Ólafs, spurning hvernig það snýr EF hún þarf einhverntíma að hlaupa í skarðið... Villi virtist a.m.k. viss um að hún vildi vera með honum í partýi! +

Ég er viss um að Sjálfstæðisflokkurinn hefur séð hvað verða vildi með Dag og þá stjórn sem var bolað frá völdum í dag. Fólk sem gekk vel að vinna saman og hafði réttar áherslur, var tilbúið að vinna af heilindum fyrir sitt fólk. Þá hefur þeim verið ljóst að með Dag sem borgarstjóra kæmi Samfylkingin til með að öðlast meiri vinsældir og setjast að í borginni. En þá varð auðvitað að ná aftur völdum. En þvílíkar blekkingar og ömurleg vinnubrögð koma ekki til með að færa þeim völd. Mér finnst frábært hjá þeim sem komu að mótmælunum í Ráðhúsinu í dag að styðja sinn málstað, fólk sem þorir.

Í sveitastjórn er ekki mögulegt að kjósa á miðju tímabili en ég er komin á þá skoðun að þegar mannlegir veikleikar eru að verki sé greinilega ekki á margt að treysta og þess vegna jafnvel ráðlegt að setja einhverjar reglur. Ólafur getur ekki komið með marktæk rök og það er ekki sanngjarnt að borgarstjóraembætti gangi kaupum og sölum. Þetta kostar allt peninga sem að lokum koma ekki úr vösum pólitíkusa heldur almennings. Kannski er réttast að borgarstjóri sé kosinn sér, þ.e. flokkar til stjórnar en MAÐUR í stjórastólinn???

Hvað finnst ykkur????

Hæhæ

 Fyrsta bloggfærslan á nýju ári, klappa fyrir því er það ekki????

Hef bara beðið þess að andinn (skriftargyðjan) færðist yfir mig.... held að núna sé málið! Það er samt ekki frá neinu merkilegu að segja, bara svo enginn haldi niðri í sér andanum Samt komst ég að dálitlu sem er pínulítið merkilegt og líka dapurlegt. Það er að framtíðarkærastinn minn mun þurfa að sætta sig við að ég verð ekki í rúminu á nóttunni. Já krakkar, ég mun eignast kærasta einhverntíma... kannski ekkert á næstunni samt. Síðustu þrjár nætur hef ég vaknað fyrst kl 01:22, svo 01:21 og í nótt sem leið kl 01:19 (meeeeeerkilegt). Þannig að í nótt er málið klárlega 01:19. Afar vísindalegar rannsóknir á bakvið þetta. En ég sofna bara ekkert aftur og er með bauga niður á rassg****

Er að byrja í fjarnámi og þá má búast við að ég verði dugleg að blogga og tékka á öðrum síðum. Ástæðan er sjálfstortímingarhvöt.... nenni ekki að læra fyrr en á síðustu stundu

Áramótin voru frábær, stappað á barnum. Var búin að gleyma hvað það er gaman að vera heima á gamlárs, hittir alla.

Kolla kom svo um helgina og við tókum smá skrens með Kötu og Sigga bró. Það var gaman eins og alltaf.

Innblásturinn hvarf eftir að það kom error, nenni ekkert að skrifa allt aftur

Nema að ég er útlandasjúk og við Kolla erum að spá í að skella okkur á ægilegt DJ-show í sumar!!! Einhver memm???

KVITTIÐI, pls

Guð, ég gleymdi að óska öllum gleðilegra jóla!!! En það er ok, er nú búin að hitta flesta af þeim sem skipta mig mestu og sendi líka einhver jólakort... ekki nógu mörg samt. Það var reyndar með jólakortin eins og venjulega að ég var á SÍÐASTA snúning, kannski bara rétt fyrir 1600 á Þorláksmessu. Og þar sem það lokar einmitt 4 í jólapóstinum þá var þetta skrautlegt og ekki laust við að ég sé orðin mjög viss um kölkun Þurfti nefnilega að hringja í Unni og tékka hvort hún hefði fengið kortið frá mér.... mundi ekki eftir að hafa skrifað nafnið hennar á neitt umslag!!! Ég gerði það samt

Mér finnst svo stutt síðan áramótin 1990-91.... fannst nefnilega talan 1991 svo flott. Get ekki sagt af hverju

 Fékk annars allt sem ég óskaði mér í jólagjöf. Það var djamm 2. í jólum hjá vinkonunum. Björk er að fara til Danmerkur ásamt Sunnu og þær héldu partý. Anna Sóley hélt líka smá partý og svo fór ég með Unni til einhverrar stelpu sem ég þekkti ekki neitt, en það var snilld Fór samt snemma heim.....

Var svo bara að koma heim úr flugeldaleiðangri með Bjössa bró. Hann er fáránlega spenntur!!! Svo spenntur að hann ÆLDI þegar við komum heim!! Nehh... reyndar er þetta víst eitthvað að ganga og ég fer svo að GRENJA ef ég verð með þetta á morgun!

Well, ætla að sökkva mér í Blóð krists og gralið helga... ég er svo mikill bókanörri!!!

Njótið dagsins og kvöldsins á morgun í botn.... samt þannig að þið munið eftir því!!!!

luuuuuv

Já oft prísa ég mig sæla að búa á litla Íslandi. Hér ríkir lýðræði og þegar kosningar standa fyrir dyrum þá láta andstæðingar sér nægja að rífast en reyna ekki að sprengja hvert annað upp.

Þetta eru hræðilegar sorgarfréttir og aðför að því lýðræði sem kannski var að taka á sig einhverja mynd í Pakistan. Hér tek ég undir orð Ingibjargar Sólrúnar, þetta eru slæmar fréttir fyrir allan heiminn.

Henni var tvisvar vikið frá völdum vegna ásakana um spillingu, kannski fólst sú spilling að mestu í því að hún hafði hugsað sér aðra stjórnarhætti en þeir sem voru hærra settir. Svo snýr hún heim úr útlegð nú í haust eftir viðræður við Pervez Musharrafs um að þau gætu mögulega deilt völdum. Hann er af mörgum talinn sá sem stendur á bak við morðið. Hins vegar var Bhutto bandamaður hans... hvað hefur hann uppúr þessu. Kosningum verður að öllum líkindum frestað, og hvernig málin snúast fyrir hann eftir þetta er ekki ljóst. Kannski standa harðlínuöfl að baki þessu sem bíða bara eftir að upplausnin í landinu nái hámarki og þá sé hægt að hrifsa völdin, öfgamenn. Ég er eiginlega komin á þá skoðun að þarna séu falin öfl að baki. Ástandið í Pakistan eftir þennan voðaatbuðr er hræðilegt, uppþot og jafnvel borgarastyrjöld í uppsiglingu ef ekki er rétt haldið á spilunum. Borgarastyrjöld væri hræðileg, ekki síst í ljósi þess hvers konar vopn eru til í landinu, kjarnavopn. Takið eftir að þetta eru bara getgátur.

Mér finnst líka merkilegt að hún skuli ekki hafa viljað þiggja þá vernd sem henni stóð til boða. Viðkvæðið var að hún vildi geta verið á meðal fólks, og það skil ég vel, hver vill lifa eins og dýr í búri. En hins vegar var jafnvel fyrirséð að hún kæmi til með að vinna sigur í kosningunum og þá, í ljósi þess sem gerðist í dag, hefði frelsi í einhvern tíma kannski ekki verið stærsta fórnin.

Það er erfitt að koma á breytingum í landi þar sem svo mörg og ólík öfl togast á. Bhutto var hornsteinn þeirra breytinga sem verða að eiga sér stað í stjórnarháttum Pakistan. Lát hennar er mikill missir fyrir alla þá sem trúa á lýðræði og réttlæti.

Ég veit að þetta er kannski ekki færslan sem allir hafa áhuga á, en mér finnst við þurfa að kíkja út fyrir rammann, og jafn framt að spá í hversu langt litla, unga Ísland er komið með ýmislegt sem okkur finnst vera orðið sjálfsagt. Þá er ég að meina mannréttindi, frelsi og virðingu fyrir lífi annarra.

.....er án efa ef maður er það djöfulli latur að vera sársvangur og nenna ekki að fá sér að borða!!! En það er svosem ok, er hvort eð er að fara að kúra í elsku sængina mína. Er samt líka að spá í að ráða einhvern í vinnu til að "svæfa" mig, hann þarf að vera sætur Anna Sigrún og ég áttum í svaka umræðum um þetta fyrir stuttu, skrautmenn daddaraddaraaa.....

Mér tókst að fara útaf í síðustu viku. Mest hissa að ég hafi ekki velt aumingja dúllunni minni. En við komum bæði óskemmd útúr þessu.

Það var stuð á lau köldið. Fór og hitti Kollu mína. Planið var að vera með hið alræmda kokteilkvöld nokkrar saman. Það beiluðu allir nema ég og Kolla, enda harðnaglarnir í hópnum Björk kom reyndar síðar um kvöldið ásamt tveimur gellum. Það sem var hægt að hlægja að henni! Kolla tók næstum allt kvöldið upp, var mjöööög fyndið á meðan á því stóð, en það var ekki móment stoltsins að skoða þetta síðar Björk var líka að "LESTA" eitthvað????? Ætlaði að gista hjá Kollu, en fór svo bara á Dallas....

Hafiði prufað www.myheritage.com ??? Þar er hægt að sjá hvaða celeb maður líkist (já ég er svo ný í þessu). Ég var persónulega mjög ósátt við niðurstöðuna og hyggst kæra einhvern, bara ekki ákveðið hvern Líkist alltaf Kínverjum, sem er svosem ekkert verra nema að það eru jafnvel eldgamlir menn komnir fast að grafarbakkanum!!!! Flaug í hug að kannski hefðu mamma og pabbi ættleitt mig fertugan (kínverskan karlmann), breytt því sem þurfti (kynskipti, botox o.s.frv.) en ekkert endist að eilífu og nú er ég farin að leka eins og Michael Jackson á heitum degi...... og sést í þann gamla kínverska undir niðri!!! Nehhh.....

Dagatal Fjörfiska er að koma út, glæsilegt þetta árið. Er samt nokkuð viss um að Jónas Seagolddigger vinur minn verður ekkert ánægður (en hann fær ekki að sjá neitt fyrr en þeir borga).

Ætla að fara að taka rúmið (ekki svoleiðis!!!). Megið alveg vera jafn dugleg að kvitta, kommon

Luv, Herdís

Mér finnst rasismi bera vott um fáfræði og eigingirni. Fólk er ekki reiðubúið að viðurkenna tilverurétt annarra þjóða eða "deila" lífsgæðum sínum með þeim, þó það kosti sama fólk nákvæmlega EKKI NEITT.

Þegar ég segi "deila" þá á ég við það að nokkrir Íslendingar detta í þá gryfju að segja "burt með útlendingana, þeir eiga ekki að njóta góðs af því sem við höfum". Átta sömu Íslendingar sig ekki á því að við þurfum hreinlega á erlendu vinnuafli að halda til að halda þessum lífsgæðastandard sem við erum orðin háð. Án erlends vinnuafls ganga stórfyrirtæki (á borð við t.d. Samherja) ekki, og þá varla heldur byggðir á borð við Dalvík þar sem Samherji er ansi stór þáttur, auk þess sem smærri fyrirtækin á staðnum eru að mestu farin að treysta á útlendinga til vinnu. Hvers vegna er ekki hægt að hugsa um það að það gengi allt mikið betur ef við kæmum fram við aðflutt fólk sem nýja HEIMAMENN og hjálpuðum þeim að aðlagast. En í stað þess eru nokkrir sem reyna að eyðileggja allt og sundra enn frekar. Baktala, ljúga og jafnvel reyna að "pikka fight" við þá. Allt til að geta reynt að færa sönnur á að það sé slæmt að búa í fjölþjóða samfélagi.

Mér finnst ótrúlegur barnaskapur að horfa uppá hálffullorðna menn á djamminu sem gera allt til að fá útlendinga (sem eru jafnvel samstarfsmenn) í slag. Þá er það jafnvel þannig að einhver einn úr "genginu" fer í það að pirra viðkomandi, en svo þegar sá erlendi ætlar að bera hönd yfir höfuð sér þá kemur allt stóðið og tekur þátt. Ef einhver kemur á djammið gagngert til að lenda í slagsmálum, redda þá málunum EINN á móti EINUM... annað ber bara vott um AUMINGJASKAP!!! Plús það að ég átta mig ekki alveg á þankagangi þess sem fer út að skemmta sér einungis til að slást og skemma fyrir sér og öðrum.

Ætlar fólk aldrei að átta sig á því að það á ekki að dæma heildina eftir einstaklingum. Það eru til útlendingar sem fremja glæpi og haga sér á allan hátt illa, en líka Íslendingar á sama hátt. Ég sé ekki að við segjum alla 18 ára unglinga vera dópista þó einhverjir fáir (sem betur fer) séu það. Spurning um að við förum líka aðeins að standa okkur, eða þeir sem koma að því að ráða fólk til landsins. Þar er eitthvað sem við gætum stjórnað. Skoðað bakgrunn fólks o.s.frv. Meiri hluti fólks sem kemur hingað til að vinna er frábært og aðeins í leit að betra lífi og það ættum við að virða.

Já krakkar, ég er ansi reið núna. Þetta er bara svo dæmigert fyrir suma, og LJÚGA svo að það séu útlendingar sem alltaf efna til slagsmála. Sem betur fer eru ekki allir blindir. Það er bara ekki manneskjulegt að koma svona fram, þá er nokkuð ljóst hvernig viðkomandi aðilar vilja að komið sé fram við þá þegar þeir fara erlendis... verði þeim að góðu og vonandi þurfa þeir ekki að gjalda þess seinna, þeirra vegna.... mér þætti það ákveðin lexía.

*Herdís reiða, sem skilur ekki hvað sumu fólki gengur til*

Jáhh... ég hef ekkert að gera Ég þoli það illa... samt er ég svo agalega þreytt að eiginlega er kannski best að fara bara að henda sér fyrir framan kassann og sofna þar (gerist alltof oft!!!). Það góða við þetta eirðarleysi er samt að ég geri ýmislegt sem ég annars mundi kannski gera on the last minute!!!! T.d. að pakka inn slatta af gjöfum (það gerist stundum á aðfangadag að ég fatta að jáhh, það er eftir). Snemma í því í ár Breytti um lúkk á síðunni. Daniel Craig vinur minn er bara svo myndarlegur, auk þess sem hann vantaði smá auglýsingu....

Fór í klippingu í gær og ég er viss um að ég missti nokkur kíló Svo er ég líka komin með topp sem verður verkefni næstu vikna að temja..... Eftir það fór ég í Stórhólsveg (húsið sem Samherji á) og ákvað að grunna eins og eitt stykki glugga, þess ber að geta að ég er ein seinheppnasta manneskja í heimi... og er svo græn í gegn að ég fór ekki einu sinni í hanska. Skemmst frá því að segja að nú er ég enn hvít á höndunum (þrátt fyrir korters skrúbbbaráttu), fötin ónýt (fór ekki í nein vinnuföt heldur bara eins og ég stóð) og einn strípulitur í viðbót, HVÍTUR. Flott hah ??

 Æi.... ömurlega lummó kvöld eitthvað, ætla út!

Einn brandari sem ég stel af Kollu síðu... sýnir minn mjööög einfalda húmor:

Hvernig veit maður að ljóskan hefur átt slæman dag????

Hún er með túrtappa á bak við eyrað og er að leita af blýantinum sínum!

HAHAHAHAHAHAAH

.... og háin þrjú!!! Ég er ekki að fara að raula það

 Er enn einu sinni að detta í ákveðinn gír... bloggletigírinn!!!! En er samt lööngu komin í jólaskap, meira að segja búin að kaupa næstum allar jólagjafirnar handa ykkur (þið sem eigið von á þeim). Lítið að frétta, búin að vera eitthvað hálf dofin undanfarið, utan við mig og asnaleg. En það lagast Hef örugglega sagt það áður að ég hef ekki nægt samband við vini mína (og mér þykir það leiðinlegt, ég er bara léleg í því...) en  mér finnst snilld að alltaf þegar ég umgengst mína nánustu vini, þó það sé langur tími síðan síðast, þá breytist ekkert. Þá meina ég að vinir sem maður þekkir vel og þeir þekkja mann líka út í gegn geta bara tekið manni eins og maður er.... og mínir vinir vita að ég er léleg í að halda sambandi.

 Dæmi um þetta er t.d. Kolla sem ætlar að koma á Dallas um helgina og djamma með mér!!! Hún er yndisleg og við getum hlegið að fáránlegum hlutum.

 Það er jólakaffi hjá Samherja um helgina (árlegt) og það er eitthvað sem menn bíða eftir. Ég hlakka svo til!!! Yfirleitt gerist eitthvað sem hægt er að hlægja að þangað til næst, eða a.m.k. í vinnuvikunni á eftir. Ég er ákveðin í að gera ekkert til þess að ég verði þetta aðhlátursefni

Ahhhh, ég hef EKKERT að segja.

KVITTIÐI!!!!

Ég er lifandi!!! En þessi bloggsíða verður það ekki mikið lengur þegar allir laumast hingað inn og út aftur án þess að kvitta Nenni ekki að skrifa neitt... nema að ég held ég fari að passa mig að TALA ekki við neina stráka/menn sem eru giftir/eiga kærustu (nema þá ég þekki báða aðilana í sambandinu og sé vinur beggja). Það vill nefnilega misskiljast!! Þó ég sé bara að sinna starfinu mínu (og það starf felur ekki í sér vændi eða neitt þvíumlíkt!!!). Já, ég er ekki sátt!

 Fórum á Pizza Hut um leið og fólk var búið að koma sér fyrir á herbergjunum. ,,Please wait to be eated" talandi um aulahúmor hahahaha. Eva tók slatta af myndum sem ég SKAl fá sendar og þær verða ritskoðaðar. Veit ekki hvað afgreiðslufólkið hefur haldið! Eftir Hut þá kíktum við í bæinn. Flestir fóru snemma heim en ég og Eva, naglarnir í hópnum, þraukuðum áfram. Evu tókst samt að FLJÚGA á hausinn og á næsta borð. Að sjálfsögðu fór ég ekki að hlægja fyrr en eftir að ég vissi for sure að hún var ekkert alvarlega meidd, bara smá souvenier marblettur Vorum samt ekki fram að lokun, varð að vera ferskur á laugardeginum!

Það er ekki það að ég þekki Gogga neitt persónulega, hann er samt dead sexxy, en rúllar víst ekki á þeirri línu að kvenfólk (og ég telst til þeirra) eigi séns En fór á showið á Broadway í gær. Ég hef aldrei verið sérstök svona "showmanneskja" og bjóst alveg eins við því að ég mundi bara flýja uppá hótelherbergi grátandi úr leiðindum í faðm minnar heittelskuðu Önnu Sigrúnar sem hafði hug á að koma til vesalingsins. En það var sko eitthvað annað!!! Þetta var bara algjör sniiiilld. Mér fannst sýningin frábær, frábærir söngvarar og flottir dansarar. Auðvitað finnur maður alltaf til smá grobbs þegar Friðrik Ómar stendur sig svona svakalega vel, ekki það að ég þekki hann neitt mikið, en hann er nú frá Dallas eins og ég

 Anna kom svo og við sátum uppá herbergi og hlógum MIKIÐ. Held henni hafi verið brugðið þegar hún sá "Villidýrið" (einkahúmor... mjög ófyndinn reyndar). Ætluðum að komast snemma í bæinn, en einhvernveginn tekst okkur það ALDREI. Allir leigubílar í borginni áttu í stökustu vandræðum vegna hálku, reyndar voru það ekkert bara bílar, því stígvélin mín stóðu sig heldur ekki sem best! Röltum niður á Hilton (f.verandi Nordica) og tókst að smygla okkur í bíl með einhverjum, þarf að bjarga sér! Held að við Anna verðum aldrei sakaðar um að vera ekki frekar Djammið var fínt... kom reyndar heim á hótel beint í morgunmat. Datt beint á smettið þegar ég fór útúr taxanum, slatti af túristum í lobbyinu sem höfðu mega áhyggjur að ég væri slösuð. Ég hafði meiri áhyggjur af því að framlengja checkoutið mitt. En stígvélin fyrrnefndu, þau fara í marningsvélina á morgun, athöfnin verður áður en vinnsla hefst svo mætið snemma ef þið viljið vera með Held að ég hafi kannski ekki verið alveg jafn fersk og morgunhanarnir sem sátu og snæddu þegar ég lötraði inn... sofnaði nefnilega í taxanum, sjúskuð ehf.

Vona að þið haldið ekki að ég sé ALLTAF pöddufull!!! Er bara búið að hittast svona á undanfarið. Núna er ekkert framundan nema vinna og helvítis ræktin og ákveða hvað á að gera eftir ármót... dadaraddaraaaa

Herdís sjúskaða

Hæ

Ég er bara enn í vinnunni, bíð eftir að komast heim??? Ekki alveg, á eftir að fara í Stórhólsveg og brasa aðeins

Það er langt síðan það hefur verið svona mikill spenningur í mér fyrir DJAMMI! Er að fara suður á morgun með Fjörfiskum. Gistum á Hótel Íslandi og förum á George Michael showið sem verður frábært, með dinner og öllu (vínvínvín.....). Reikna reyndar með því að ég verði nokkuð búin á því eftir morgundaginn, búin að vera CRAZY vika í vinnunni. Var að reikna út áðan (og ég VEIT að það eru ekkert allir yfir sig spenntir yfir þessu) að í fyrradag þá vorum við að vinna 7,2 tonn af þorski á hverja klst. Sem er MIKIÐ, enda slatti af ofvirku (vel meint) fólki að vinna hérna!!!!

 Nóg um það..... Var að frétta að ég ætti kærasta. Það er ekki satt! Stefni á ekkert svoleiðis næstu ÁRIN.

En hausinn á færslunni, men ó men... Þegar ég, Ásta og Anna fórum á djammið þegar ég var í Rvk síðast þá ætluðum við að fara inná Venus. Af hverju man ég ekki alveg (hmm) en okkur var ekki hleypt inn!!! Pæliði... hvað ef ég væri nú lessa, eða einhver af okkur??? Hvað hélt dyravörðurinn?? Líklega að við værum að grennslast fyrir um "mennina" okkar og kæmum til með að valda einhverjum usla... Eða svo ég fari með þetta aðeins lengra: Er málið það að dyraverðir og þeir sem reka svona staði eru búnir að ákveða það að hvort sem konur langar að horfa á aðrar konur fækka fötum (burt séð hvort þær eru samkynhneigðar eða ekki) þá koma þær ekki til með að eyða jafn miklum peningum á barnum(dömudrykkir fyrir strippara right??) og ekki í tips heldur??? HVAÐ eru þessir aðilar þá að gefa í skyn með karlmenn??? Ég er a.m.k. mjög mjög mjög óánægð með það að mér sé neitað um inngöngu af því að ég er KONA!!! Núna um helgina er ég að spá í að fá einhvern karlkyns vin minn til að hringja og segjast vera með 20 manna hóp (ekkert skilgreint frekar) mæta svo bara 10 konur og 10 karlar. Þá held ég að ef þeir NEYÐAST til að neita konunum um aðgang verði þeir frekar sneyptir að sjá karlana fara líka. Takið eftir að ástæðan fyrir því að ég skrifa þetta er EKKI sú að mig langi mikið inná Venus heldur sú að mér finnst þetta heimskulegt

 Kv, Herdís í fíling

Jáááhh....

Þó rúm vika sé liðin þá taka borgarmálin enn stóran þátt í fréttunum... fer að verða dálítið þreytt finnst mér, allt þetta mál er bara skandall. En ég er ógurlega glöð með hann Dag, þrátt fyrir að margir vilji meina að samstarf milli svo margra flokka sé veikt, þá held ég að það sé allt fært ef viljinn er fyrir hendi, ef menn ákveða að standa saman. Persónulega hef ég heldur aldrei verið mjög hrifin af Villa.... og það er ekki bara af því að Dagur sé myndarlegri alveg satt!!! Hef trú á að með Dag í broddi fylkingar þá megi redda þeim málum sem þarf að redda í borg óttans, þarna fer t.d. maður sem trúir mjög á jafnrétti kynjanna svo eitthvað sé nefnt, ætti þá að vera hægt að taka enn frekar til í launamisrétti.

 Talandi um borg óttans... ég var þar stödd um síðustu helgi. Það var bara gaman. Fór á Octoberfest með Kötu og bræðrunum. Fræg setning Þóris: ,,Siggi þetta er bara svo magnað, það eru ALLIR vinir hérna". Já, þarf ekki mikið til að skemmta mér. Við fórum svo í bæinn ég, Þórir og Siggi sweetass og heim bara frekar snemma!!! Hitti Önnuna mína og við versluðum aðeins. Fór út að borða með fjölskyldunni og komst að því að ég er lasagnefíkill!!! Það er eiginlega ekki sniðugt! Ásta kom og hitti okkur heima hjá Önnu og við mútuðum Sigga til að skutla okkur niður í bæ. Anna lenti í einum "hörðum" gömlum kalli hahahahahaha!!!! Og ég lenti næstum því í slagsmálum í leigubílaröðinni. Held ég hefði alveg mátt stemma mig af í mojitounum fyrr, var komin á býsna lágt þroskastig

Ég er svo mislukkuð! Fór áðan að pumpa í dekk á bílnum, tókst að maka hendurnar á mér út í einhverjum viðbjóði og hugsaði: ,,Well, þarf að koma við og skila DVD-disk, best að snerta a.m.k. ekki á sér fésið". Samt þegar ég kom heim og leit í spegil þá var ég öll í svörtum blettum... eins og námuverkamaður En það er ekki eins og það sé eitthvað mál, bý á DALVÍK!!!! Bara svo dæmigert fyrir mig eitthvað!

En jebb, er að fara suður aftur næstu helgi.. þá stefni ég á að draga Kötu, Önnu og Ástu aftur út!!! Ykkur er öllum boðið í partý á hótelherbergið mitt Núna ætla ég að drífa mig, éta og fara að vinna á barnum... ég er alltaf svo myrkfælin þegar ég fer þangað og opna, alein í myrkrinu. Einhver sem vill koma og halda í höndina mína???

Kv, Herdís

Verð að deila með ykkur sem ennþá nennið að lesa þessa hálf lömuðu bloggsíðu mína.... Ég, Herdís mislukkaða Björ, var að fá FEITA sekt!!!! Jább, ég keyrði of hratt krakkar, passið ykkur á mér! Málið er þetta, ég átti að fljúga suður 27. sept, svo var ekkert flogið fyrripart dags og ég endaði á því að keyra BMW, sem átti að fara í viðgerð suður. Kraftmikill bíll, en ég var alveg ákveðin í að passa mig því ég nennti bara ekki að lenda í löggunni (og að sjálfsögðu ekki að lenda í einhverju þaðan af verra). En NEI það hefur einhver andsk, helv myndavél náð mér, halló, ég myndast ekki einu sinni vel

Ætla nú samt að skoða þetta frekar.... cruisið var bilað og eitthvað fleira... ef hraðamælirinn var líka bilaður þá er ekki séns að ég borgi þetta!!!

 Vá, búin að pústa aðeins

Mánudagar eru alltaf erfiðir og þetta mun vera skárra seinna í vikunni. Sérstaklega af því að ég ætla að skella mér í borg óttans!! KEYRI á fimmtudag eftir vinnu. Ef þið sjáið einhvern sem er pirrandi í umferðinni á svona ca 50-70 km/klst þá er það ég að vera extra safe fyrir camerunum!!!

 Koss og kram,

*Herdís pirringur ehf*

Ehemmmm.... ég er ekki í neinu liði, s.s. fótbolta, botcha (ekki guðmund hvernig þetta er skrifað eða neitt... en ef ég vildi komast inní eitthvað lið þá veit ég að ég get a.m.k. alltaf komist í lið lélegustu núlifandi (þá meina ég lifandi síður) bloggara!!!!

 Það hefur margt gerst síðan síðast. Ekki alveg viss um að ég nenni að telja það upp, en hér kemur smá:

 Það var snilld að fá fjölskylduna hans Tommys hingað og fiskidagshelgin var heilt á litið snilld (ég skrifaði reyndar síðast einmitt á Fiskidaginn).

Ég er enn og einu sinni ráðvillt með þennan blessaða skóla ( hvað annað er nýtt???). Veit ekki rass í bala En það er svosem allt í lagi bara á meðan ég fíla það sem ég er að gera!

Varð enn einu sinni óheppin með tölvu þegar ég fjárfesti í nýrri ekki fyrir löngu. Falleg rauð eeeelska, kom í ljós að flagð er undir fögru, en hún var uppsett á ungversku!!!!! Vinur pabba kom og ætlaði að hjálpa til með hana, en hann er ungverskur. Þarna komu hvorki tungumálahæfileikar hans né einstök tölvukunnátta mín (NOT) að gagni... það þurfti að skipta um harðann í henni blessaðri!!

Tommy fór til Svíþjóðar í skóla, eins og stóð alltaf til. Maður vissi alltaf að fjarsamband væri erfitt en men ó men.... Það endaði bara með því að við hættum saman, ólík plön. Erum samt ágætis vinir.

Ég fór til Stokkhólms um síðustu helgi að hitta Johönnu (hún HATAR þegar nafnið hennar er fallbeygt á íslenska vísu Við brölluðum ýmislegt sniðugt, hún er besti guide ever... fór með mig á alla bestu kokteilstaðina Það er það sem þarf til að gera mig hamingjusama!!! Verslaði smá, en við það tókst mér að slíta tölu úr einhverjum HELV dieselpels sem var ekkert í ódýrari kantinum. Við það brá mér svo ég rakst á næsta borð og VELTI því Hvernig er hægt að vera svona klaufskur, upplifði mig sem 300 kíló og það fer mér bara ekki!

Svo þurftum við að láta svæfa elsku Kela kött í dag. Hann var búinn að vera veikur í smá tíma greyið, átti samt að reyna að lækna hann í dag. Kom í ljós að það var ekki hægt. Sumum finnst ég kannski vera lúði en hann var einn úr fjölskyldunni (15 ára) og ég grenjaði úr mér augun!

Núna ætla ég að redda mér einhverju í svanginn.

*Herdís* sem sneri tímabundið aftur til bloggsins.